Habari

JOSE MOURINHO ASEMA POGBA ANA KAZI MAALUM OLD TRAFFORD

on

KOCHA mwenye maneno mengi ya
shombo, Jose Mourinho amesema klabu ya Manchester United haijakurupuka
kumsajili kiungo Paul Pogba.
Alisema alipanga kumrudisha
mchezaji huyo Old Trafford kwa gharama yoyote kwasababu ana jukumu malum
analotakiwa.
Mourinho ambaye ameanza kazi
United kwa kuipa Ngao ya Jamii kwa kuichapa Leicester City katika mechi yake
rasmi ya kwanza baada ya zile za kirafiki za maandalizi ya msimu mpya, amesema
ametua kurudisha furaha ya mashabiki.
“Pogba amekuja wakati maalum
kwa kazi maalum ya kufanya,” alisema bila kufafanua.
Alitamba kwamba yeye analijua
soka la Uingereza, anawajua wachezaji na makocha wengi wa timu pinzani, hivyo
hatarajii kutoka patupu katika msimu huu.
“Ikiwa unakwenda sehemu na
unajua uendako kazi inakuwa rahisi sasa, naamini United iko tayari kutwaa ubingwa
wa England msimu huu, japo ni mapema sana kwetu,” alisema Mourinho.
Alisema anaijua United kuliko
wengine wanavyomdhania, anawajua wachezaji mmoja mmoja na anajiandaa kuwatumia
wote ili kufanikisha kile kinachosubiriwa na mashabiki.
Mreno huyo akatamba kwamba
hajamsajili mchezaji hata mmoja kwa ajili ya kufanya safari za kitalii bali ili
watwae mataji.
Amewadhihaki makocha wa
Arsenal, Arsene Wenger na mwenzake wa Liverpool, Jurgen Klopp kwamba
wasitarajie watauweza moto wa United.
Pogba amerudishwa Old Trafford
kwa takriban pauni mil 100 ambazo ni zaidi ya shilingi za Kitanzania bilioni
280, akitokea Juventus, Italia.

Comments

comments

About Saluti 5

Recommended for you

Leave a Reply

Your email address will not be published. Required fields are marked *