Habari

JUAN MATA AMWAMBIA MOURINHO “YALIYOTOKREA CHELSEA TUYAACHE KULEKULE”

on

“MIMI naishi kwa matumaini
makubwa kwamba Mourinho ni kocha bora, kama akiona sifai kama ilivyokuwa wakati
niko Chelsea, maana yake ni moja tu kuwa sitakiwi kukutana na kocha huyu mahali
kokote katika timu yoyote,” amesema Mata.
Mchezaji huyo amedokeza kuwa
anataka kucheza soka kwasababu ndio ajira yake na kwamba ikitokea kuwa hatakiwi
kucheza kwa sababu yoyote ile, tafsiri yake ni kwamba anatakiwa ajitazame upya.
“Sina ugomvi na kocha Mourinho,
najua hata yeye atakuwa anafahamu kuwa ni jambo jema kufanya nae kazi tena. Sijui
kama atakuwa na sera zilezile. Nadhani yaliyotokea Chelsea tuyaache kulekule,”
amesema.
Hayo ni maneno ya Juan Mata
mara baada ya kuhojiwa na Sky Sports muda mchache mara baada ya kumalizika kwa
mechi ya Ngao ya Jamii iliyowakutanisha Manchester United dhidi ya Leicester
City.
Katika mechi hiyo iliyomalizika
kwa United kushinda mabao 2-1 na kutwaa Ngao ya Jamii, Mata aliingia dimbani
akitokea benchi, lakini akajikuta akicheza kwa dakika chache tu na kutolewa
tena na kocha Jose Mourinho.
Hatua hiyo iliwashangaza wengi na
alipoulizwa ndipo akajibu: “Sina la kusema ingawa ninachoweza kusisitiza ni
kwamba bado ninaishi kwa matumaini nikiwa hapa.”
Mata ambaye hakuwa katika
wakati mzuri wakati wa kocha Mdachi Louis Van Gaal, amesema kwamba ujio wa
Mreno huyo katika kikosi hicho umekuwa na matumaini ya nusdu kwa nusu ya
kuendelea kuaminika katika kikosi cha kwanza.
Mata ni alama muhimu katika
klabu ya Old Trafford, lakini katika namna nyingine, mchezaji huyo anaweza kuwa
katika wakati mbaya zaidi.
Alikuwa katika kiwango bora
kabisa katika Stanford Bridge na alifanya kazi yake kwa kiwango cha juu sana,
lakini Mourinho alipochukua kazi, akampiga mkeka na nafasi yake ikawa inachezwa
na Oscar kiasi kwamba Mata akauzwa katika kikosi cha Manchester United.
Lakini Mata majuzi amesema
kwamba hana uhakika yale yaliyojitokeza katika kikosi cha Chelsea yatajirudia
katika Manchester United.

Comments

comments

About Saluti 5

Recommended for you

Leave a Reply

Your email address will not be published. Required fields are marked *