Habari

KLOPP: NAHITAJI MLINDA MLANGO WA KIWANGO CHA KUISAIDIA TIMU

on

BOSI mpya wa Liverpool, Jurgen
Klopp amekiangalia kikosi chake cha sasa kasha amekuja na kauli moja kwamba
bado anahitaji kuwa na mlinda mlango wa kiwango cha kuisaidia timu.
Kauli ya Klopp inakuja siku
chache baada ya kucheza mechi nyingi za majaribio kujiandaa na premier ya msimu
unaoanza Agosti 20 nchini England.
“Ninahitaji kuendelea kusuka
kikosi japo dirisha la usajili limefungwa, ila ninahitaji kutupia macho katika
suala la kipa. 
Lakini sio mlinda mlango tu bali lazima niwe na muda wa
kuangalia vigezo na viwango ili mwisho wa siku nipate mlinda mlango aliye bora,”
alisisitiza Klopp.
Hatua hiyo imekuja baada ya
kuiongoza timu yake katika mechi za majaribio kabla ya kuanza kwa Ligi ya
premier.
“Nimekamilisha usajili wa msimu
huu, lakini macho yangu hayatalala. Nitaweka katika orodha yangu wachezaji wengi
kwa ajili ya usajili ujao.”
“Nafikiri tunahitaji mlinda
mlango kwa kiasi kikubwa, inategemea na aina ya mahitaji kwa sasa,” alisema
Klopp.
“Sisi ni kati ya klabu kubwa
hivyo hata aina ya wachezaji lazima wawe bora kulingana na ukubwa wa timu tulizonazo.”
“Ninaweza nikaficha ukweli huu
sasa, lakini baadae ninaweza nikajisuta mwenyewe kama nitaendelea kujiaminisha
kuwa nina kikosi bora. Hapana, tunahitaji wengi walio bora akiwemo mlinda
mlango,” amesisitiza Klopp ambaye ni kocha wa zamani wa Borussia Dortmund ya
Ujerumani.

Comments

comments

About Saluti 5

Recommended for you

Leave a Reply

Your email address will not be published. Required fields are marked *