Habari

MACHO YOTE LEO USIKU KWA LILIAN INTERNET NA TWANGA PEPETA MANGO GARDEN …Asha Baraka kuwa MC

on

LEO ndio ile siku ya kwenda kuona vile viono vya akiba vya Lililan
Internet katika onyesho maalum litakalofanyika Mango Garden Kinondoni.
Mnenguaji huyo maarufu wa Twanga Pepeta, leo ataachana rasmi na kazi
ya unenguaji akihitimisha miaka yake 17 ya kazi hiyo.
Kwa kuthamini mchango na uwezo wake, Twanga Pepeta wameamua kuandaa
onyesho hilo maalum la Lilian Internet kuagana na unenguaji.
Ikumbukwe kuwa Twanga Pepeta ndiyo inayobeba sehemu kubwa ya maisha ya
kisanii ya mnenguaji huyo.
Mwenyewe Lilian aliiambia Saluti5 kuwa siku hiyo ataaga mashabiki wake
kwa kutumia viuno vyake vya akiba ambavyo hajawahi kuvionyesha jukwaani hata
mara moja.
“Nitawaaga mashabiki wangu kwa vitu vya adimu, nina mauno na staili za
unenguaji ambazo sikuwahi kuzionyesha hapo kabla, ilikuwa ni akiba yangu kwa
siku maalum kama hii, Hivi ndivyo alivyosema alisema Lilian Internet wiki
iliyopita.
Tayari mashabiki wa dansi wameshapandwa na mzuka wa kwenda kuona viuno
hivyo vya akiba.
Kama vile hiyo haitoshi, mkurugenzi wa Twanga Pepeta mamaa Asha Baraka
ndiye atakayekuwa MC wa onyesho hilo hususan katika kipengele kitakachompandisha
Lilian Internet jukwaani.

Comments

comments

About Saluti 5

Recommended for you

Leave a Reply

Your email address will not be published. Required fields are marked *