Habari

MARIA SHARAPOVA AELEKEA KUSHINDA KESI YA MATUMIZI YA DAWA ZISIZORUHUSIWA MICHEZONI… kurejea uwanjani Januari mwakani

on

RAIS wa chama cha mchezo wa
tenisi nchini Russia, Shamil Tarpishchev amethibitisha kuwa kinara wa mchezo
huo, Maria Sharapova atarejea uwanjani kuanzia Januari mwakani.
Bingwa huyo mara tano wa
michuano ya Grand Slam alifungiwa kucheza miaka miwili na shirikisho la
kimataifa la mchezo huo Machi mwaka huu, baada ya kubainika kutumia dawa
zisizoruhusiwa michezoni wakati wa michuano ya wazi ya Australia ya mwaka huu.
Katika utetezi wake, bingwa
huyo namba moja alidai kuwa alikuwa hafahamu kuhusu dawa hizo na huku akidai
Taasisi ya kupambana na matumizi ya dawa iliongeza orodha hiyo mwanzoni mwa
mwaka huu.
Baada ya kupewa adhabu hiyo,
Sharapova alikata rufa kwenye mahakama ya usuluhishi wa masuala ya michezo,
ambapo uamuzi wa kesi hiyo ungetolewa mwezi ujao lakini ukacheleweshwa kutokana
na kukosekana na ushahidi wa kutosha.
Kutokana na hali hiyo,
Tarpischev anaamini nyota huyo mwenye umri wa miaka 29, atashinda rufaa hiyo na
atakuwa tayari kushiriki kwenye mashindano ya WTA Tour yanayotarajiwa kufanyika
mapema mwakani.
“Uamuzi utafanyika septemba
mwaka huu,” rais huyo aliliambia shirika la habari Russia, TASS.

“Sio kwamba nina uhakika wa
moja kwa moja, lakini nina imani ataanza kucheza Januari 2017,” aliongeza rais
huyo.  

Comments

comments

About Saluti 5

Recommended for you

Leave a Reply

Your email address will not be published. Required fields are marked *