Habari

SEBASTIEN SQUILLACI AITABIRIA UBINGWA ARSENAL HATA BILA KUSAJILI WAPYA

on

KWA lugha nyepesi unaweza
kusema kuwa ni “jeuri”, utakapoitafakari kauli ya beki wa zamani wa Arsenal,
Sebastien Squillaci, baada ya kusema kwamba bado wataleta ushindani katika mbio
za kuwania ubingwa, hata wasiposajili wakati wa majira haya ya joto.
Nyota huyo wa timu ya taifa ya
Ufaransa ambaye aliitumikia klabu hiyo ya kaskazini mwa jiji la London kati ya
msimu wa 2010 na 2013, kwa sasa anajianda na msimu mpya wa Ligi ya Ligue 1
akiwa na timu ya Bastia.
Akizungumza juzi, nyota huyo
alisema kuwa anavyoamini kikosi hicho cha Arsene Wenger kina kila kitu cha
kuwawezesha kufanya vizuri licha ya kuwepo na ujio wa wachezaji na makocha
wengi wazuri.
“Msimu uliopita walikuwa ni
Arsenal ambao walimaliza Ligi wakiwa nafasi ya pili na hivyo wana uzoefu mkubwa
kwa miaka mingi,” alisema beki huyo katika mahojiano na mtandao wa Goal.
“Ni timu ambayo ina kikosi
kizuri kila mwaka na hata kama hawatafanya usajili mwaka huu, nadhani Arsenal
itakuwa ni timu ambayo italeta ushindani katika mbio za kuwania ubingwa, ”
aliongeza staa huyo.

Alisema kwamba, wameshashuhudia
ujio wa makocha wengi kwenye michuano ya Ligi Kuu England na wote wana uzoefu
wa kutwaa ubingwa wakiwa na klabu kubwa na akasema kwamba anavyodhani itakuwa
vita kubwa nzuri kutokana na ujio huo.

Comments

comments

About Saluti 5

Recommended for you

Leave a Reply

Your email address will not be published. Required fields are marked *