Habari

TWANGA PEPETA KUFUNGUA UKUMBI MPYA WA SAVOY – BUZA LEO USIKU

on

Bendi ya The African Stars “Twanga Pepeta” leo usiku itakuwa na
onyesho maalum la ufunguzi wa ‘kiwanja’ kipya cha burudani jijini Dar es Salam.
‘Kiwanja’ hicho kinakwenda kwa jina la Savoy Pub ambacho kiko pande za
Yombo Buza Kanisani.
Mkurugenzi wa Savoy Pub, Mr Elkana ameiambia Saluti5 kuwa ametoa ofa
kwa wapenzi wote watakaofikia leo kwenye ukumbi wake kwa kuwalipia kiingilio,
hivyo kila shabiki ataingia bure.
“Ni ukumbi mzuri, mkubwa na wenye mandhari ya kuvutia, naomba mashabiki
wajitokeze kwa wingi waje kushuhudia eneo jipya la kujirusha, wasihofu kuhusu
kiingilio, Savoy tumeshagharamia kila kitu,” alisema Elkana.
Twanga Pepeta inatarajiwa kupambwa na nyota wake wote wakiwemo Ally
Chocky, Khalid Chokoraa, Luizer Mbutu, Ferguson, Kalala Jr, Rogart Hegga na
Haji BSS.
Onyesho hilo linatarajiwa kuanza saa 12 jioni na kuendelea hadi usiku
mnene.

Comments

comments

About Saluti 5

Recommended for you

Leave a Reply

Your email address will not be published. Required fields are marked *