Habari

CRISTHIAN STUANI AMPIGA BAO ZLATAN IBRAHIMOVIC

on

WAKATI mshambuliaji nyota wa
Manchester United raia wa Sweden, Zlatan Ibrahimovic akiendelea kung’ara katika
Ligi Kuu ya England, bado nyota huyo hajafunga bao la kuvutia tangu Ligi Kuu
ianze.
Taarifa ya chama cha soka cha
Uingereza, imesema kwamba bao bora kabisa la mwezi Agosti limepachikwa na nyota
wa Middlesbrough, Cristhian Stuani na kuwaacha Zlatan Ibrahimovic na Jamie
Vardy wa Leicester City kwa mbili.
Cristhian Stuani amepata tuzo
hiyo ya bao bora la mwezi katika mechi ambayo timu yake ya Middlesbrough
ilipata ushindi wa mabao 2-1 dhidi ya Sunderland.
Nyota huyo wa Uruguay alifunga
bao ambalo lilikuwa kali kwa shuti la mbali katika dimba la Stadium of Light,
ambalo limempa tuzo hiyo ambayo inatolewa kwa mujibu wa utaratibu wa FA ya
Uingereza.
Lakini katika tuzo hiyo alikuwa
anashindana na Zlatan Ibrahimovic ambaye bao lake lilitinga kwenye nyavu za
Bournemouth, Philippe Coutinho wa Liverpool ambaye bao lake liliwachapa Arsenal
na bao la Jamie Vardy dhidi ya Swansea City.  
Baada ya kutangazwa kuwa
mshindi wa tuzo hiyo, mchezaji huyo amesema kwamba anajisikia raha kuona
ameanza vyema Ligi kwa mafanikio na ameahidi kupachika mabao mazuri zaidi.

“Tumekuwa tukishirikiana vyema
na wenzangu na nimekuwa nikifunga mabao kama haya, lakini pia naahidi kufunga
mabao makali zaidi,” amesema. Mchezaji huyo amesema kwamba anaamini kwamba bao
hilo linaweza pia kuwa bao la msimu kama hatafunga bao kali zaidi ya hilo.

Comments

comments

About Saluti 5

Recommended for you

Leave a Reply

Your email address will not be published. Required fields are marked *