Habari

EDEN HAZARD AMBEZA MOURINHO KUPITIA CONTE… asema Conte anafahamu jinsi ya kuishi na wachezaji

on

STAA wa Chelsea Eden Hazard
anaonekana kuanza kumchimba kocha wake wa zamani, Jose Mourinho baada ya
kumpongeza Antonio Conte kwa jinsi anavyoishi vizuri na wachezaji wake.
Kibarua cha Mourinho kwenye klabu
hiyo ya Stamford Bridge kilifikia ukomo kabla ya Sikukuu ya Krismasi mwaka jana,
baada ya timu yake kupoteza mechi tisa kati ya 16 za kwanza msimu huo.
Katika kipindi hicho uhusiano
wa Mreno huyo na wachezaji nyota akiwemo Hazard ulikuwa sio mzuri mno.
Msimu huu kiwango cha Hazard
kilionekana kushuka lakini chini ya Conte kwa sasa anaonekana kuwa moto wa kuotea
mbali baada ya kufunga mabao mawili katika mechi tatu za kwanza msimu huu.
Akizungumza jana na gazeti la ‘Equipe,
Hazard alisema kuwa Conte amekuwa akimwania kila mchezaji na kwamba sasa wapo
vizuri baada ya mwaka jana kuvurunda.
“Conte amekuwa akimwamini kila
mchezaji na sasa tupo vizuri baada ya msimu uliopita kufanya vibaya,” alisema
nyota huyo.

“Mara zote tupo wachezaji
walewale lakini Conte anafahamu jinsi ya kuishi na wachezaji na ndio maana
tunacheza kwa kiwango cha hali ya juu,” aliongeza staa huyo.

Comments

comments

About Saluti 5

Recommended for you

Leave a Reply

Your email address will not be published. Required fields are marked *