Habari

FELLA ALIPOAMUA KUZIWEKA HADHARANI NYUMBA WALIZOJENGEWA WASANII WA YAMOTO BAND

on

MKURUGENZI
wa kituo cha Mkubwa na Wanawe, Said Fella jana alizifichua rasmi nyumba
takribani tano za wasanii wake wa kundi la Yamoto Band na kuwataka wananchi
waelewe kuwa msanii anahitaji nyumba na sio magari.
Nyumba
hizo zilizojengwa nje ya mji kidogo, katika kata ya Kisewe amesema kuwa hiyo ni
moja ya maendeleo kwa wasanii kwani hii si mara ya kwanza kuwazawadia nyumba
wasanii wake.
Akizungumza
na waandishi wa habari leo Jijini Dar es salaam, Fella amesema kuwa ameamua
kuziweka wazi hasa baada ya kusikia maneno mengi kutoka kwa wananchi wakidai kuwa
Yamoto Band hawafaidiki na muziki wanaoufanya.
Fella
amesema kuwa nyumba hizo mpaka sasa hajajua thamani yake ila zitakapokamilika
ataita watu wa tathmini kwa ajili ya kuziangalia ili kujua zimetumika kiasi
gani kwenye ujenzi huo.
Ametoa
shukrani za dhati kwa Raisi wa awamu ya nne Dkt Jakaya Mrisho Kikwete kwa
juhudi kubwa sana alizozifanya katika kuhakikisha anafanikiwa kuinua wasanii.
Nyumba
hizo zitakazozinduliwa hivi karibuni ni maalum kwaajili ya wasanii vinara wa
Yamoto Band – Aslay, Enock Bella, Maromboso na Beka One.
Lakini
ipo pia nyumba kwaajili ya mshindi wa BSS 2015 Kayumba Juma ambaye naye ni
mwanafamilia wa Mkubwa na Wanawe.
Meneja
wa Mkubwa na Wanawe, Amani Temba (Mh. Temba) amesema kuwa hizi nyumba
zimejengwa kwa fedha za wasanii wenyewe wanazozipata kwenye shoo za muziki
wanazozifanya na sio kama zimetoka mfukoni mwa kiongozi yoyote.
Mkurugenzi
wa Twanga Pepeta Asha Baraka ambaye alikuwa mmoja wa waalikwa wa tukio hilo,
akasema amefurahishwa na hatua hiyo kwani ni mara chache sana kwa viongozi wa
muziki kuchukua dhamana ya kuwajengea nyumba wasanii wao.

  Said Fella (kushoto) akifafanua jambo

 Mkurugenzi wa Twanga Pepeta Asha Baraka akipongeza hatua ya Fella

Safu ya nyumba za wasanii wa Yamoto Band

Comments

comments

About Saluti 5

Recommended for you

Leave a Reply

Your email address will not be published. Required fields are marked *