Habari

GARETH BALE ATAKA AZIDISHIWE DAU NDIPO ASAINI MKATABA MPYA

on

GARETH Bale ni kama anatikisa
kiberiti ama tuseme sikio limezidi kiichwa. Nyota huyo wa Wales amesema kwamba
hawezi kusaini mkataba mwingine kwa bei ileile.
Mchezaji huyo ambaye
alisajiliwa na Real Madrid kwa zaidi ya pauni mil 80 amesema kwamba hatasaini
mkataba mpya mpaka pale timu hiyo litakapoweka dau linalozidi kiwango cha
Neymar.
Real Madrid iko katika
mazungumzo na Bale kwa ajili ya kusaini mkataba mpya baada ya mkataba wake wa
awali wa miaka mitano kukaribia kukatika, lakini amesema kwamba hatasaini
mkataba wa “kitoto”.
Nyota huyo ameshapachika mabao
19 katika michezo 23 aliyocheza msimu uliopita, sasa anapokea mshahara wa euro
180,000 kwa wiki katika kikosi hicho cha Real Madrid.
Amesema kwamba yeye ni muhimu
katika kikosi hicho na anataka kuona kwamba analipwa mshahara unaofanana na ule
ambao Neymar analipwa na FC Barcelona tena baada ya timu ya Paris Saint-Germain
kuonyesha nia ya kumtaka raia huyo wa Brazil.

Wakati ambao Madrid wamezuiwa
na FIFA kufanya usajili kwa misimu miwili, wanalazimika pia kurekebisha
mikataba ya wachezaji wake, Cristiano Ronaldo, Luka Modric na Toni Kroos,
lakini Bale yuko katika malengo ya rais wa Real Madrid, Florentino Perez kwamba
abaki hapo hadi mwaka 2021.

Comments

comments

About Saluti 5

Recommended for you

Leave a Reply

Your email address will not be published. Required fields are marked *