Habari

JOSE MOURINHO AWACHARUKIA WACHEZAJI WAKE KWA KIPICHO CHA MAN CITY

on

KWA lugha nyepesi unaweza
kusema kuwa awaambia “wanalo” wakati utakapoitafakari kauli ya Jose Mourinho
anaposema kwamba uzemne wa wachezaji wake Manchester United ndio chanzo cha
kufungwa mabao 2-1 na Manchester City katika mtanange wa Manchester derby
uliopigwa juzi kwenye uwanja wa Old Trafford.
Katika mchezo huo wa Ligi Kuu
England, vijana hao wa Mourinho walibanwa muda mwingi na vijana wa Pep
Guardiola ambao walifanikiwa kupata ushindi wakiwa Old Trafford waishukuru
mabao ya kipindi cha kwanza yaliyofungwa na nyota wao, Kevin De Bruyne na
Kelechi Iheanacho.
Akizungumza mara baada ya mechi
hiyo, Mourinho alisema kwamba wakati mwingine wachezaji huwa wanafadhaisha makocha.
“Kipindi cha kwanza walikuwa wazuri
zaidi kuliko sisi, kwa ujumla tulianza vibaya mechi,” Mourinh aliambia Sky Sport.
“Tuliianza mechi hii huku
baadhi ya wachezaji wakiwa chini ya viwango vya kiakili kiasi cha kuwafanya
washindwe kuendana na kasi ya michezo,”aliongeza Mreno huyo.
Alisema kuwa katika mchezo huo
wachezaji walitakiwa kuwa wepesi na kucheza kwa njia ambayo huwa wanaitumia.
Alisema kuwa katika mchezo huo,
wachezaji wawili ama watatu walicheza kwa kiwango cha chini, jambo ambalo
liliigharimu timu.

“Kwa kuwa muwazi, walikuwepo
wachezaji wawili au watatu waliocheza chini ya kiwango kipindi cha kwanza na kama
mechi ingekuwa inachezwa muda huo na ningelifahamu hilo nisingewapanga,”
alisema.

Comments

comments

About Saluti 5

Recommended for you

Leave a Reply

Your email address will not be published. Required fields are marked *