Habari

KOCHA BARCELONA AJIBEBESHA LAWAMA KIPIGO DHIDI YA DEPORTIVO ALAVES

on

KOCHA Luis Enrique amesema
kwamba yeye ndiye anayepaswa kubeba lawama kutokana na kipigo cha kushitukiza
cha mabao 2-1 ilichokipata Barcelona dhidi ya timu iliyopanda daraja msimu huu Deportivo
Alaves wakiwa kwenye uwanja wao, Camp Nou juzi.
Katika mchezo huo, kocha huyo
aliwaweka benchi nyota wake Lionel Messi na Luis Suarez kwa ajili ya mechi ya
Ligi ya Mabingwa dhidi ya Celtic na huku akimpanga Neymar ambaye amerejea hivi
karibuni baada ya kumaliza michuano ya Olimpiki.
Hata hivyo, pamoja na kuwepo
kwa Mbrazil huyo haikuweza kubadili matokeo ambapo ilishuhudiwa Alves wakiwa
mbele mara mbili kupitia kwa nyota wao Deyverson na Ibai Gomez.
Akizungumza mara baada ya mechi
hiyo, Luis Enrique alieleza kufurahishwa na mbinu aliyoitumia kocha mwenzake
Mauricio Pellegrino akisema kuwa hakutarajia kukutana na hali hiyo.
“Sote tulikuwa na matarajio ya
kupata ushindi lakini wakatukumbusha jinsi kazi ilivyokuwa ngumu kufanya hivyo,”
alisema kocha huyo.

“Lakini pamoja na hilo, kwangu
mimi naweza kusema kuwa nastahili kubeba lawama kwa kipigo hiki,” aliongeza.

Comments

comments

About Saluti 5

Recommended for you

Leave a Reply

Your email address will not be published. Required fields are marked *