Habari

KOCHA MARTIN O’NEILL WA IRELAND AKANA KUWA MBIONI KUTUA HULL CITY

on

KOCHA wa timu ya taifa ya Jamhuri
ya Ireland, Martin O’Neill amekanusha taarifa za kuwa mbioni kujiunga na klabu
ya Hull City inayoshiriki Ligi Kuu ya soka England (EPL).
O’Neill amekanusha uvumi huo
alipohojiwa na vyombo vya habari mara baada ya mchezo wa kuwania kufuzu fainali
za Kombe la Dunia dhidi ya Serbia na timu hizo kutoka sare ya mabao 2-2.
“Sifikirii jambo lolote kuhusu
uvumi huo.”
“Nipo hapa kwa makubaliano ya
kimkataba na ninaheshimu suala hilo, kwa hiyo sitokuwa na mpango wa kufikiria
kuondoka mpaka niweze kutimiza malengo niliyojiwekea katika timu ya taifa ya Jamhuri
ya Ireland,” alisema O’Neill.
Jina la O’Neill limekuwa
likitajwa miongoni mwa majina ya mameneja ambao wanapewa kipaumbele cha
kuchukua nafasi ya Steve Bruce aliyetangaza kujiuzulu miezi mitatu iliyopita.
Kwa sasa kikosi cha Hull Citty
kinanolewa na meneja wa muda, Mike Phelan ambaye ameonyesha kuwa na mtiririko
mzuri wa matokeo tangu kuanza kwa msimu huu kufuatia matokeo ya sare mbili na
ushindi mara moja.
Kocha huyo amesema ni vyema
kila anayetaka kutoa taarifa zinazomhusu yeye awasiliane naye mapema ili
kuepuka kutoa taarifa zisizo sahihi.

“Mimi ni kocha na ambaye naweza
kwenda mahali popote, lakini ni vyema nikawa na muda wa kutafakari vyema a
nikapewa uhuru huo baada ya kusingiziwa,” amesema. 

Comments

comments

About Saluti 5

Recommended for you

Leave a Reply

Your email address will not be published. Required fields are marked *