Habari

KUNGO KOKE WA ATLETICO MADRID ASEMA KIKOSI CHAO KIKO FITI KUWAVAA BARCELONA KESHOKUTWA

on

KIUNGO wa timu ya Atletico
Madrid, Koke ni kama kaitishia nyau Barcelona baada ya kusema kuwa kikosi chao
kiko katika ubora wa hali ya juu kuwakabili mahasimu wao hao katika mechi ya
Ligi Kuu ya Hispania La Liga itakayopigwa keshokutwa.
Ushindi wa mabao 5-0 ambao
waliupata juzi dhidi ya Sporting Gijon umekifanya kikosi hicho cha kocha Diego
Simeone kushinda mechi tatu mfululizo bila kuruhusu bao na kunaifanya Atletico
kubaki nyuma kwa pointi moja dhidi ya Barca ambayo nayo iliisambaratisha
Leganes kwa mabao 5-1 kabla ya miamba hao kukutana kwenye uwanja wa Camp Nou.
Kutokana na hali hiyo, Koke
ameelezea jinsi walivyojipanga kwa sasa baada ya kutoka sare mbili katika mechi
zao za kwanza msimu huu kabla ya kuwavaa mabingwa hao wa Ligi hiyo.
“Hali hii ni lazima iendelee
kuwa hivyo na tumeshanza na sasa tunakutana na Barcelona,” Koke aliliambia
gazeti la Marca.
“Tunahitaji maombi kutoka dunia
nzima ili tuweze kuondoka na pointi zote tatu licha ya kuwa ni mechi ngumu
dhidi ya timu nzuri duniani lakini tuna matumaini, tutapambana na kuondoka na
ushindi,” aliongeza nyota huyo.

Alisema kuwa wiki iliyopita
ilikuwa nzuri kwao baada ya kupata ushindi mara tatu kutokana na kuwa kiwango
chao kimekuwa kikiongezeka kila mechi na akasema kuwa kwa sasa wameshajiandaa
kwa kila kitu.

Comments

comments

About Saluti 5

Recommended for you

Leave a Reply

Your email address will not be published. Required fields are marked *