ALIANZA kwa kum-miss Asha Baraka, lakini sasa ‘ameimiss’ na bendi yake ya zamani – Twanga Pepeta – na hatimaye akaamua kwenda Mango Garden.

Huyo ni mwimbaji Saleh Kupaza ambaye wiki kadhaa zilizopita aliiambia Saluti5 kuwa alimpigia simu ‘boss’ wake Asha Baraka baada ya kum-miss sana.

Jumamosi usiku, Kupaza anajitosa ndani ya ukumbi wa Mango Garden kwenye show ya Twanga Pepeta majira ya saa 6 na nusu za usiku.

Ile anaingia tu ndani ya ukumbi, wimbo “Shida Darasa” ukawa hewani, Kalala Jr akamwita jukwaani ili akaimbe wimbo huo alioshiriki kuutengeneza.

Bila hiyana Kupaza akapanda jukwaani na kilichofuata baada ya hapo ni kelele za ushangiliaji za mashabiki wa Twanga Pepeta sambamba na kujazwa ‘mihela’ kwa mwimbaji huyo ambaye kwasasa anaitumikia Ivory Band.
Kupaza akiwa kwenye jukwaa la Twanga Peper Jumamosi usiku ndani ya Mango Garden

USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac