Habari

MBINU ZA JURGEN KLOPP LIVERPOOL ZAMKUNA GEOGINIO WIJNALDUM

on

KIUNGO wa Liverpool, Georginio Wijnaldum
anaonekana kukunwa na mbinu anazotumia kocha wao, Jurgen Klopp baada ya kusema
kuwa kuna kitu maalum amekitengeneza na akasema kwamba anajivunia kuchezea
klabu hiyo.
Kiungo huyo Mholanzi alitua
kwenye klabu hiyo ya Anfield kabla ya dirisha la usajili halijafungwa akitokea
timu iloiyoshuka daraja ya Newcastle United akiwa ameshafunga mabao 11 katika
msimu wake wa kwanza wa Ligi Kuu England.
Licha ya nahodha huyo wa zamani
wa PSV Eindhoven ambaye aling’ara katika mchezo ambao Liverpool waliondoka na
ushindi wa mabao 2-1 dhidi ya Chelsea uliopigwa mwishoni mwa wiki kuwa
hajafunga bao katika klabu yake mpya, lakini staa huyo mwenye umri wa miaka 25,
anasema kuwa yapo mambo mengi yanakuja kutoka kwake kutokana na jukumu
alilopewa na Klopp.
“Hiki ni kikosi chenye
wachezaji wengi wenye vipaji na kocha mzuri,” Wijnaldum aliiambia tovuti ya Liverpool.
“Nafikiri anajenga kitu maalum katika timu hii. Niliingiwa na wazo hilo wakati
nilipokutana na Jurgen Klopp kwa mara ya kwanza.”

Alisema kwamba kwa sasa
anafahamu hiyo ni klabu mbadala kwake na huku akisema kuwa anafurahi kuwa
sehemu yake.

Comments

comments

About Saluti 5

Recommended for you

Leave a Reply

Your email address will not be published. Required fields are marked *