Habari

MSONDO FAMILY DAY YASUBIRIWA KWA HAMU KINONDONI SEPTEMBA 30

on

ONYESHO lao la Msondo Family Day la mwezi huu kupitia bendi ya Msondo
Ngoma Music Band “Baba ya Muziki”  ambalo
litafanyika Kinondoni, linasubiriwa kwa hamu kubwa.
Onyesho hilo ambalo hufanywa kila wikiendi ya mwisho wa mwezi, safari
hii litafanyika Mango Garden Kinondoni Ijumaa ya Septemba 30.
Baada ya onyesho hilo kuunguruma katika wilaya za Ilala na Temeke,
sasa wakazi wa Kinondoni wamepatwa na kiwewe cha furaha cha kushuhudia tukio
hilo ndani ya eneo lao.
Mmoja wa waratibu wa onyesho hilo, Abdulfareed Hussein, ameimbia Saluti5
kuwa maandalizi ya Msondo Family Day ndani ya Kinondoni tayari yako vizuri.
Kama ilivyo ada, dhumuni la ‘Msondo Family Day’ ambayo hufanyika kila
wikiendi ya mwisho wa mwezi, ni kuongeza mshikamano baina ya wanamuziki wa Msondo,
mashabiki na wadau wakubwa wa bendi hiyo.
Hapo awali Abdulfareed alidokeza kuwa onyesho hilo maalum la kila
mwezi, halitaishia Dar es Salaam pekee bali litafika hadi mikoani.

Comments

comments

About Saluti 5

Recommended for you

Leave a Reply

Your email address will not be published. Required fields are marked *