Habari

MWANARIADHA ETHIOPIA ALIYEPINGA SERIKALI AWASILI MAREKANI

on

MWANARIADHA wa Ethopia na
mshindi wa medali ya fedha wa mbio za Olimpiki, Feyisa Lilesa aliyeonyesha
alama ya “X” alipomaliza mbio zake, amewasili nchini Marekani.
Hii inatokea takriban wiki tatu
baada ya taarifa yake kugonga vichwa vya habari kuhusu alipokunja juu mikono yake
kwa alama ya “X” juu ya kichwa chake wakati akimaliza mbio hizo jijini Rio.
Alama hiyo ni ishara ya kupinga
serikali inayotumiwa na waandamanaji katika jimbo anakotoka la Oromia na imefanya
dunia kutambua wimbi la maandamano nchini Ethiopia.
Feyisa iwapo atarejea nyumbani
atakuwa na hofu ya maisha yake ama anaweza kukabiliwa na kifungo cha gerezani kutokana
na tendo hilo alilolifanya.
Aliishi nchini Brazil baada ya
kushinda medali yake katika siku ya mwisho ya michezo hiyo Agosti 21, ambapo
alikataa kurejea nyumbani na timu ya wanariadha wengine wa Ethiopia.
Serikali ya Ethiopia ilisema
itampokea nyumbani kama shujaa.
Feyisa alisema kuwa ameadhimia
kuomba uhamiaji nchini Marekani.
Kwa sasa yuko mjini Washington DC
baada ya kupewa kibali cha dharura cha kuishi nchini humo.
Ukurasa wa mtandao wa kijamii
umefunguliwa na Waethopia wanaoishi Marekani kwa ajili ya kutafuta fedha za
udhamini wa mahitaji ya maisha yake.

Hata hivyo, ndugu na jamaa zake
bado wanaishi nchini Ethiopia.

Comments

comments

About Saluti 5

Recommended for you

Leave a Reply

Your email address will not be published. Required fields are marked *