Habari

PEPE ATAMANI KUZEEKEA REAL MADRID

on

STAA wa Real Madrid Pepe
amesema ana mpango wa kumalizia maisha yake ya soka akiwa na miamba hiyo ya
Bernabeu.
Mlinzi huyo wa kati raia wa
Ureno ana miaka 33 na mkataba wake na Madrid utafikia tamati mwishoni mwa
msimu huu.
Kwa upande wao, Madrid
wameonyesha nia ya kuendelea na huduma ya beki huyo kisiki ambaye alikuwa na timu
ya taifa ya Ureno iliyotwaa taji la michuano ya Euro 2016.
Imeelezwa kuwa mkali huyo
anatarajiwa kupewa mkataba wa miaka miwili kuendelea kukipiga klabuni hapo.
“Niko huru hapa Real Madrid.
Nina mkataba na nitasubiri mpaka dakika ya mwisho hapa. Bado kuna muda, umebaki
mwaka mmoja,” alisema Pepe akiuambia mtandao wa Cadena SER.
“Ndio, ningependa kustaafu
nikiwa hapa ingawa nina ofa kutoka katika klabu nyingine. Niliwambia
wawakilishi wangu kuwa nataka kubaki hapa.”

Pepe ambaye alitua Madrid
akitokea Porto mwaka 2007, ameichezea timu hiyo michezo 317, ameshinda mataji
mawili ya Ligi ya Mabingwa Ulaya na mawili ya La Liga.

Comments

comments

About Saluti 5

Recommended for you

Leave a Reply

Your email address will not be published. Required fields are marked *