Habari

USAJILI WA PEP GUARDIOLA WAMKUNA KEVIN DE BRUYNE MANCHESTER CITY

on

KWA kile ambacho unaweza kusema
ni kama usajili wa Manchester City umemkuna staa wao, Kevin De Bruyne, nyota
huyo amesema kuwa wachezaji waliosajiliwa na kocha wao Pep Guardiola
wamekiunganisha kikosi chao na kukifanya kipate kile ilichokuwa ikikihitaji.
De Bruyne alitakata katika
msimu wake wa kwanza alipotua Etihad baada ya kufunga mabao na kutoa pasi
zilizozaa mengine 14 kwa washindi hao wa Kombe la Ligi, lakini Man City
wakajikuta wakishika nafasi ya nne katika michuano ya Ligi Kuu na huku
aliyekuwa kocha wao, Manuel Pellegrini akiondolewa.
Juzi Man City waliinyuka Manchester
United ikiwa kwenye uwanja wake wa nyumbani, Old Trafford na huku mahasimu wao
hao wakiwa wameshaanza dhana mpya chini ya kocha wao, Jose Mourinho ambaye alishawaonjesha
ushindi kila mechi yao ya Ligi.
Katika mchezo huo ambao
waliibuka na ushindi wa mabao 2-0, Guardiola alimkosa mpachikaji mabao wake
muhimu, Sergio Aguero lakini aliweza kumtumia nyota wa timu ya taifa ya
Ujerumani, Leroy Sane na nyota wake mwingine, Nolito ambaye tayari alishaandika
kwenye jina lake mabao matatu pamoja na mchezaji bora wa mwezi wa klabu hiyo,
Raheem Sterling aliyeingia akitokea benchi.
“Mwaka jana nilikuwa nikijihisi
mchanga ndani ya timu kwa sababu nilitoka mahali ambapo sikuwa na uzoefu
mkubwa, licha ya kuwa nilikuwa na umri wa miaka 24, lakini kwa sasa kuna kizazi
kipya ambacho kimekuja na nimepiga hatua ya pili katika kibarua changu,” nyota
huyo wa timu ya taifa ya Ubelgiji aliwaambia waandishi wa habari.

“Vijana ambao wamekuja wana
uwezo mkubwa wa kutoa pasi, wapo kama umeme. Ninavyodhani tumepata kitu ambacho
mwaka jana tulikuwa tukikihitaji,” aliongeza nyota huyo.

Comments

comments

About Saluti 5

Recommended for you

Leave a Reply

Your email address will not be published. Required fields are marked *