Habari

XABI ALONSO AMTABIRIA MAKUBWA RENATO SANCHES BAYERN MUNICH

on

STAA Xabi Alonso ni kama
kamtabiria makubwa nyota mwenzake, Renato Sanches, baada ya kusema kuwa yupo
tayari kuisaidia Bayern Munich kutwaa ubingwa licha ya kuwa na umri mdogo.
Sanches aliondoka Benfica na kwenda
kujiunga na Beyern msimu uliopita na kinda huyo mwenye umri wa miaka 19 leo
anatarajia kucheza mechi yake ya kwanza ya Ligi ya Bundesliga dhidi ya Schalke.
Wakati mashabiki wakijiandaa
kuona makali ya Mreno huyo ambaye ameshatwaa ubingwa wa fainali za Mataifa ya
Ulaya “Euro 2016”, Alonso amekuwa wa kwanza kumpongeza kinda huyo.
“Atakuwa mchezaji tegemeo. Ana
uwezo mkubwa, nguvu na ana hasira za kutwaa ubingwa. Chaguo zuri kwa klabu,” alisema
Mhispania huyo.
“Umri sio tatizo. Ana miaka 19,
lakini tayari ameshakuwa mchezaji mkubwa,” aliongeza staa huyo.
Alisema kuwa jambo hilo ndilo muhimu
kwa kila mchezaji hata akiwa na umri 19 ama 35.
Sanches hajakanyaga uwanjani tangu
alipoumia misuli ya nyama za paja mwezi uliopita, jambo ambalo lilimfanya akose
mechi ya kwanza ambayo Bayern waliibuka na ushindi wa mabao 6-0 dhidi ya Werder
Bremen. 

Comments

comments

About Saluti 5

Recommended for you

Leave a Reply

Your email address will not be published. Required fields are marked *