Habari

ARSENE WENGER AOMBA RADHI MASHABIKI WA ARSENAL AKIJIANDAA KUONDOKA

on

UPO uwezekano mkubwa kocha king’a’g’anizi
uwanja wa Emirates, Arsene Wenger asiwe tena kocha wa Arsenal msimu ujao baada
ya miaka 20 ya kufundisha.
Wakati mwenyewe pia akifahamu
kuwa huenda akaondoka Gunners, amesifu uvumilivu walioonyesha mashabiki wa klabu
hiyo dhidi yake na amewaomba radhi.
Kocha huyo raia wa Ufaransa
ambaye mkataba wake unamalizika mwishoni mwa msimu huu alisema hayo juzi.
Wakati wote aliokuwa madarakani
Wenger ameongoza timu hiyo kutwaa mataji makubwa tisa yakiwemo ya Ligi Kuu na Kmbe la FA.
 “Ni kweli miaka 20, naomba samahani,”
alisema Wenger “Ningependa kuwashukuru kwa msaada wenu kwa kipindi chote hicho. Nawaomba samahani kwa kila dakika iliyokutana na mambo ambayo hakimpenda kutoka kwangu kwa miaka 20.
“Nawaomba samahani kwa kijana
aliyezaliwa miaka 20 na kushuhudia kocha mmoja tu Arsenal, napenda kumfahamisha kijana huyo kuwa atakapofikisha miaka 40 kuna mambo kadhaa atakuwa amejifunza.”
“Nimejaribu kufanya mazuri kwa
miaka 20 kwa klabu hii. Nilijitoa kwa hali na mali kuitumikia klabu, kwa
kipindi chote nimekuwa nikithamini kazi yangu na kufanya kwa mapenzi makubwa. Nilimheshimu
kila mmoja na msingi wa kuleta maendeleo kwenye klabu.”
Wakati huohuo, mwenyekiti wa
Arsenal, Chips Keswick amesema suala la mkataba wa Wenger mara muda wake
utakapomalizika sio jambo muhimu la kuzungumza wakati huu.

Comments

comments

About Saluti 5

Recommended for you

Leave a Reply

Your email address will not be published. Required fields are marked *