Habari

DIAMOND AJITETEA KUHUSU KUURUDIA WIMBO “MARIA SALOME” WA SAIDA KAROLI… asema mtindo huo upo ulimwenguni kote

on

DIAMOND Platnumz amesema kuwa
mtindo wa kurudia nyimbo ambazo zilishawahi kuimbwa na wasanii wengine ni jambo
la kawaida ilimradi taratibu zimefuatwa, zikiwemo za kukubaliana na mwenye
wimbo.
Alisema kuwa tangu wimbo wake
wa “Salome” utoke, wapo watu ambao wamekuwa wakimshangaa na kuonyesha
kutofurahishwa na hatua yake hiyo bila kujua kwamba hilo ni jambo la kawaida.
“Mtindo wa msanii kurudia wimbo
wa msanii wa kitambo upo ulimwenguni kote na hata hapa Bongo upo, ndio maana
MwanaFA aliwahi kurudia wimbo “Ya Laiti” wa marehemu Bi Kidude, Ali Kiba
alirudia wimbo wa Issa Matona, Ben Pol nae aliwahi kurudia wimbo wa Les Wanyika
na Lady Jaydee aliimba “Siwema”,” alisema Diamond kupitia kwa meneja wake,
Sallam Sharaff.

Diamond ameimba wimbo wa “Maria
Salome” wa Saida Karoli uliotamba mwanzoni mwa mwaka 2000 na sasa ameupa jina
la “Salome” na tyari umevutia watu wengi pengine kuliko nyimbo zilizotangulia
kuigwa na wasanii wengine kabla yake.

Comments

comments

About Saluti 5

Recommended for you

Leave a Reply

Your email address will not be published. Required fields are marked *