MLINDA mlango wa timu ya Valencia, Diego Alves amewaonya mabeki wake akiwaeleza kuwa wanatakiwa kuwa makini kutofanya makosa wanapokuwa katika eneo la hatari ya kuwa na rekodi nzuri ya kuokoa mikwaju ya penati.

Mbrazil huyo alishindwa kuokoa mkwaju wa penati uliochongwa na Los Che katika mchezo waliofungwa mabao 2-0 dhidi ya Atletico Madrid kabla ya mechi za kupisha za timu za taifa licha ya kuwa alishaokoa zilizopigwa na Antoine Griezmann na Gabi.

Kwa kuokoa mikwaju hiyo imemuongezea rekodi katika michuano ya La Liga ambapo hadi sasa ameokoa mikwaju 19 kati ya 37 aliyokutana nayo.

Baada ya kufanya vibaya mwanzoni mwa msimu huu, Valencia kwa sasa inashika nafasi ya 19 na kesho kutwa anasafiri kwenda kuivaa Sporting Gijon kabla ya wiki moja baadae kwenda kuwavaa mabingwa watetezi Barcelona mtanange ambao Alves anatarajia utakuwa ni mgumu.

“Kucheza vibaya kunaweza kubadili jinsi mchezaji anavyopiga penati,” Alves aliliambia gazeti la Marca.

“Lakini kila penati unayozuia inakuoingezea majukumu ila nina matumaini hakutakuwepo na penati katika mechi zijazo dhidi ya Barcelona."

"Tangu nilipokuwa mdogo nilijikuta ikiwa ni rahisi kuzuia mikwaju ya penati. Nina ujuzi mkubwa lakini bado siipendi hali hiyo kutokana na kwamba mara nyingi huwa inanichanganya akili,” aliongeza nyota huyo.


Awali Alves alikuwa akihusishwa kwenda kujiunga na Barcelona baada ya mlinda mlango Claudio Bravo kutimkia Manchester City, lakini klabu hiyo ya Catalan ikaamua kumsajili Jasper Cillessen.
NENDA PLAY STORE KUPITIA SMART PHONE YAKO KISHA DOWNLOAD APP YETU YA "SALUTI5">>>> BONYEZA HAPA
LIKE PAGE YETU YA FACEBOOK Saluti5

Post a Comment

 
Top
Nicolaus Trac