Habari

FILIPPE COUTINHO ASEMA KLOPP ANAIRUDISHA LIVERPOOL KWENYE UBORA WAKE

on

FILIPPE Coutinho wa Liverpool mwenye
umri wa miaka 23, amenukuliwa akisema kuhusu Klopp kuwa tangu achukue jukumu la
kuinoa Liverpool ameifanya timu kurudi taratibu kwenye mstari, japokuwa kuna
changamoto nyingi za kukaa kileleni.
“Ukiniuliza mimi ninaweza
kukwambia jambo moja kuwa Klopp ni kocha bora kwa sababu ameibadili timu tangu
pale alipopewa jukumu.”
“Liverpool ya sasa ni tofauti
na ile iliyokuwa chini ya Brendan Rodgers, kuna tofauti kubwa hata ya namna
timu inavyocheza kwa wachezaji kushirikiana dimbani.”
“Tangu atue Anfield mwezi Oktoba,
mwaka jana ameonyesha mambo mapya ambayo sisi kama wachezaji tunaweza tukawa
sehemu ya kuzungumzia mabadiliko haya,” alisisitiza mwanandinga huyo raia wa
Brazil.
“Tunacheza tukiwa na furaha na
imani kubwa chini ya Klopp, kama atapewa muda zaidi wa kuendelea kuwa hapa nina
imani kuwa kuna jambo inaweza kubadilika na hata timu kurejea katika kiwango
cha soka la zamani.”
“Tupo katika mwendo wa
mafanikio. Tunarudi katika mstari wetu wa siku nyingi nyuma ambapo soka letu
lilikuwa katika kiwango chetu cha kawaida.”
“Ni kipindi ambacho hata
mashabiki wetu lazima watambue kuwa tunapita katika kipindi cha mapito, lakini
katika kipindi kifupi baadae Liverpool itabadilika na kuwa timu ya ushindani
kama zamani.”

“Tukiwa mazoezini utaona jinsi
tunavyowajibika huku tukifurahia mbinu zake mpya ambazo zinatufanya tuwe katika
kiwango bora. Klopp ni kocha anayeangalia mbele kwa mtazamo wa mafanikio ya
baadae,” alisisitiza Coutinho.

Comments

comments

About Saluti 5

Recommended for you

Leave a Reply

Your email address will not be published. Required fields are marked *