HATIMAYE ule mzizi wa fitina kuhusiana na tambo za nani mkali kati ya Isha Mashauzi na Leyla Rashid umekatwa usiku wa jana kuamkia leo, ndani ya Darlive, Mbagala, Dar es Salaam.

Katika pambano kali lililowakutanisha mastaa wawili hao, mashabiki walionekana kujigawa kila upande na kufanya kwa kuwashangilia wote kwa nguvu na kufanya kuonekana kama waliogawana pointi.

Isha ndie aliyekuwa wa kwanza kutumbuiza, kufuatia kura iliyomdondokea baada ya kurushwa kwa ‘shilingi’ mara zilipomaliza kutumbuiza bendi za Mashauzi Classic na Jahazi zilizokuwa zikisindikiza pambano hilo.

Kete zake mbili za “Mapenzi Hayana Dhamana” na “Kismeti” ziliulipua ukumbi kwa kelele za vifijo, kabla hajampisha Leyla aliyeingia na vibao "Langu Rohoni" na "Kwa Hilo Hujanikomoa" ambaye nae alipokelewa kwa shamrashamra za hali ya juu.

Awamu ya pili nayo ilikuwa ya kishindo kwa kila mmoja ambapo Isha aliibuka na “Sura Surambi” na “Nimpe Nani” wakati Leyla alikuja kufunga dimba kwa vibao “Sina Muda Huo” na “Nina Moyo Sio Jiwe”.

Washereheshaji Aisha Mbegu "Sauti ya Ninga" na Mwasiti Robert "MC Mabobish" nao walionekana kuliongezea ladha pambano hilo kwa namna walivyojawa na vituko na vibweka, zikiwemo “suprise” za hapa na pale.

PATA PICHA 20 ZA NAMNA SHOO ILIVYOKWENDA
Ma MC Mwasiti Robert (kushoto) na Aisha Mbegu wakiwakaribisha wawakilishi wa Isha Mashauzi na Leyla Rashid kupanda jukwaani kurusha shilingi.

 Hapa mwakilishi wa Isha, Hamadi Mmanga (kushoto) akipeana mkono na mwakilishi wa Leyla, Hemed Hemelaa kabla ya kurushwa kwa shilingi
 Shilingi ikiandaliwa kurushwa 
 Isha akianza kutumbuiza baada ya kura kumdondokea
 Hapa mnazi wa Mashauzi Classic, Mamu Original Mariam akicheza sambamba na Isha
 Isha akiimba kwa hisia
Mwimbaji wa Jahazi Modern, Mohammed Chipolopolo akimtuza Isha
MC Mabobish akimwita Leyla jukwaani baada ya zamu yake kufika
 Isha akimpokea Leyla kwa furaha kuja jukwani
 Wanateta kidogo
 Mazungumzo yanaendelea
 Leyla akiwa ameanza kutumbuiza 
 Hapa mpasho umekolea jukwaani
 "Sauti ya Ninga" sasa imeshindwa kujizuia na kumpandia Leyla jukwaani ili "kujiselfie" nae
 Leyla akimuunga mkono Isha jukwaani kuonyesha kuukubali uwezo wake
 Isha nae hapa amejitosa kumtuza mpinzani wake alipoingia kutumbuiza kwa awamu ya pili
 Isha amekolea... anaamua kusebeneka nae kidogo
 Leyla anakula noti za Isha "aliyelewa" utamu wa kibao"Langu Rohoni" 
Sauti ya Ninga anatangaza kufunga rasmi pambano

Na hivi ndivyo ukumbi wa Darlive ulivyotapika mashabiki waliokuwa na mzuka mwanzo mwisho
NENDA PLAY STORE KUPITIA SMART PHONE YAKO KISHA DOWNLOAD APP YETU YA "SALUTI5">>>> BONYEZA HAPA
LIKE PAGE YETU YA FACEBOOK Saluti5

Post a Comment

 
Top
Nicolaus Trac