Habari

PRINCE AMIGO APATA KIGUGUMIZI KUTAJA NANI ZAIDI KATI YA ISHA MASHAUZI NA LEYLA RASHID …aacha fumbo kubwa

on

MPAMBANO wa Isha Mashauzi na Leyla Rashid ni wa moto kuliko hata moto
wenyewe! Watu wanashikwa na kigugumizi pale wanapoulizwa nani mkali zaidi.
Alhamisi iliyopita mwimbaji nyota wa Jahazi Modern Taarab Aboubary
Soud “Prince Amigo” alikaribishwa jukwaa la Mashauzi Classic (Mango Garden) kuzungumzia
machache juu ya mpambao wa Leyla na Isha utakaofanyika Jumamosi hii ndani ya
ukumbi wa Dar Live Mbagala jijini Dar es Salaam.
Baada ya kuzungumza makubwa yanayotarajiwa kufanyika katika onyesho
hilo, Amigo akatakiwa kusema ni nani zaidi kati ya Isha na Leyla na hapo ndipo ‘kigugumizi’
kilipowadia.
Amigo akasema: “Jibu langu litawaacha Dilemma (njia panda) …Sasa nimpe
nani, anayejua mapenzi,” Amigo akaimba kipande cha Isha Mashauzi cha wimbo “Nimpe
Nani” na kufanya ukumbi mzima ulipuke kwa furaha  wakidhani anamaanisha Isha ndiye zaidi.
Lakini Amigo akaendelea: “Tulieni! Tulieni! …Nina Moyo, sio jiwe,” hapo
akaimba kipande cha Leyla na kuwapoteza maboya mashabiki.
Amigo akajaribu kufafanua: “Hawa waimbaji wote wawili ni wakali,
lakini kila mtu ana muono wake na mapenzi yake kwa yule anayemkubali.
“Unaweza ukasema fulani mkali kwa vile tu upo nae sehemu moja lakini
kumbe inaweza kuwa tofauti.

“Leo hii meneja Sumaragar anaweza akasema Isha mkali lakini kumbe
moyoni anamkubali Leyla. Na mie Amigo ninaweza nikesema Leyla mkali lakini
kumbe namkubali zaidi Isha.”

Comments

comments

About Saluti 5

Recommended for you

Leave a Reply

Your email address will not be published. Required fields are marked *