Habari

RASHFORD AULILIA MGUU WA CRISTIANO RONALDO

on

KINDA wa Manchester United,
Marcus Rashford amemtaja straika wa Real Madrid, Cristiano Ronaldo kuwa ndiye
mfano aliopania kuufuata katika kipindi atakachokuwa akikipiga katika klabu
hiyo ya Old Trafford.
Zao la timu ya vijana wa Man
United lilitamba msimu uliopita kwa kufanikiwa kufunga mabao mawili dhidi ya Midtjylland
katika mechi ya Ligi ya Europa iliyopigwa Februari, 25 kabla ya kurudia kufanya
hivyo dhidi ya Arsenal katika michuano ya Ligi uu England siku tatu baadae.
Tangu kipindi hicho, Rashford
alionekana kuwa tishio katika kikosi cha Man United na baada ya kukosa namba
katika kikosi cha kwanza cha Jose Mourinho mwanzoni mwa msimu huu, lakini kwa
sasa ana mabao manane katika mechi saba alizocheza katika mashindano yote.
Hata hivyo pamoja na hali hiyo
kinda huyo mwenye umri wa miaka 18 amepanga kufuata nyayo za mwanasoka wa
zamani wa klabu hiyo ya Old Trafford.
“Kipindi hiki Ronaldo ni mfano
wa kuigwa,” nyota huyo aliuambia mtandao wa Sky Sport.

“Unapompanga kwenye safu ya
ushambuliaji ni lazima afanye kweli na wapinzani huwa wanamuogopa. Kwa kuwa ni
mshambuliaji anayeogopwa, ndicho kitu ambacho nimekipania,” aliongeza staa
huyo.

Comments

comments

About Saluti 5

Recommended for you

Leave a Reply

Your email address will not be published. Required fields are marked *