Habari

LEICESTER CITY YATHIBITISHA JAMIE VARDY ATAENDELEA KUBAKI

on

STRAIKA wa mabingwa watetezi wa Ligi ya premier, Jamier Vardy hataweza kuondoka
ndani ya viunga vya King Power.
Taarifa kutoka ndani ya kikosi hicho cha “The Fox” zinasema kuwa straika
huyo ana mkataba unaomalizika mwishoni mwa mwaka 2020 hivyo hakuna klabu
inayoweza kumnyakua kwa sasa.
Kukanusha kwa tetesi hizi kunafuatia taarifa za hivi karibuni zinazosema kwamba
kuna klabu kadhaa zinazotaka kuvunja mkataba wa mpachika mabao huyo wa mabingwa
hao watetezi.
Hata hivyo, licha ya uongozi kukanusha, Vardy mwenyewe ameungana katika
kuukana uvumi huo kwa kuweka bayana ukweli ulivyo.
Akizungumzia uvumi huo, mchezaji huyo wa zamani waFleetwood Town alisema:
“Nina furaha kuona bado tunaendelea kupambana kwa ajili ya klabu. Sitarajii
kuondoka katika kipindi ambacho nina mkataba wa zaidi ya miaka mitatu mbele.”
“Kwa ajili hii ninajivunia kuwa hapa kwa kipindi kirefu. Ninataka kuwa
sehemu ya kupambana kwa ajili ya kulinda hadhi na heshima tuliojiwekea tangu
msimu uliopita.”
“Leicester City ilionyesha haikuwa na madhara wakati nikiwasili hapa miaka
mitatu. Ni vigumu kupima mafanikio haya kwa muda huu lakini inanifanya nione
kuna jambo limefanywa nami nikiwa sehemu ya hayo yote.”

“Ninafarijika na uwekezaji huu wa klabu ambao umenifanya niwe mtu wa
kuitumikia kwa nguvu zangu zote kama sehemu ya kulipa fadhila, hadhi na heshima
kwa kufanya kazi maradufu,” amesisitiza Vardy.

Comments

comments

About Saluti 5

Recommended for you

Leave a Reply

Your email address will not be published. Required fields are marked *