Habari

ROGART HEGGA ASEMA DSS BAND HAIRUDISHI MPIRA KWA KIPA …wakanusha kujisalimisha Twanga

on

MMOJA wa viongozi wa kundi jipya la muziki wa dansi – DSS Band, Rogart
Hegga “Katapila” amesema wamejipanga vizuri na hawana mpango wa kurudisha nyuma
majeshi.
Rogart Hegga na Ferguson mwishoni mwa mwezi uliopita waliamua
kuanzisha bendi hiyo kwa lengo la kujiongezea kipato, lakini hatua hiyo
ikapelekea wote wawili kutimuliwa Twanga Pepeta.
Awali wasanii hao walisema DSS Band ingekuwa bendi yao ya pembeni
ambayo wangekuwa wanaitumikia siku ambazo Twanga Pepeta haina maonyesho, lakini
sasa wameamua kokomaa na kuisuka kiushindani bendi yao mpya.
Akiongea na Saluti5, Rogart Hegga alisema wamesikitishwa sana na
habari iliyoandikwa na gazeti moja la kila siku kuwa wamejisalimisha Twanga
Pepeta na kurejea kundini.
“Hatuna mpango wa kujisalimisha, tunakuja na nguvu kamili kupitia DSS
Band na tunaomba mashabiki wetu wasiyumbishwe na habari za propaganda,” alisema
Rogart.
“Ukimya wetu ulikuwa ni kwaajili ya kukamilisha taratibu za usajili wa
bendi pamoja na kutengeneza nyimbo mpya. Wiki ijayo tutaanza rasmi program
zetu,” anafafanua zaidi Rogart Hegga.
Aidha, Rogart Hegga amesema wiki ijayo pia wataweka wazi kikosi kamili
cha DSS Band ambacho kiko kambini.

Comments

comments

About Saluti 5

Recommended for you

Leave a Reply

Your email address will not be published. Required fields are marked *