Habari

SADIO MANE AIPELEKA SEGAL ROBO FAINALI KOMBE LA MATAIFA YA AFRIKA

on

MSHAMBULIAJI mahiri wa
Liverpool, Sadio Mane sio tu alifungua akaunti kwenye ushindi wa Senegal “Lions of Teranga”
dhidi ya Zimbabwe, lakini aliiwezesha kuwa nchi ya kwanza kutinga robo fainali
za Kombe la Mataifa ya Afrika mwaka 2017.
Katika mchezo huo, Zimbabwe
walioianza michuano ya mwaka huu kwa kishindo wakiwalazimisha sare ya mabao 2-2
miamba ya soka Algeria, walijikuta wakichezea kichapo cha mabao 2-0.
Mane alianza kuifungia Senegal
bao la kuongoza dakika ya tisa kwa shuti kali la mbali akiunganisha krosi ya
mshambuliaji wa Lazio ya Italia, Keita Balde Diao.
Dakika nne baadae Henri Saiver
anayekipiga kwa mkopo St. Etienne ya Ufaransa akitokea Newcastle United,
akafunga bao la pili kwa mpira wa faulo wa zaidi ya mita 20.

Kwa ushindi huo Lions of
Teranga walijihakikishia kutinga robo fainali wakifikisha pointi sita kwa
michezo miwili wakiongoza Kundi B wakifuatiwa na Tunisia wenye pointi tatu,
Algeria na Zimbabwe kila mmoja akiwa na pointi moja hivyo hazina nafasi ya
kuing’oa hata ikipoteza mechi ya mwisho dhidi ya Algeria.

Comments

comments

About Saluti 5

Recommended for you

Leave a Reply

Your email address will not be published. Required fields are marked *