WAIMBAJI wa kike chipukizi wa muziki wa dansi wanahitaji katika studio za Apao Records zilizoko Mwananyamala jijini Dar es Salaam ili kulamba mkataba ambao unaweza ukawatoa kisanii.

Mkurugenzi wa Apao Records, Richard Muro (pichani juu), ameiambia Saluti5 kuwa lengo lake ni kuunda timu ya waimbaji watano wa dansi ambao watashiriki ‘project’ maalum ya kutengeza nyimbo za dansi la kizazi kipya.

Muro amesema kati ya waimbaji hao chipukizi, watatu watakuwa wa kiume (ambao tayari wameshapatikana) na wawili wa kike.

“Lengo letu ni kuwapika vijana wapya wa dansi, hivyo tunahitaji waimbaji chipukizi  na kwa bahati nzuri watatu wa kiume wamaeshapatikana, sasa tunatafuta waimbaji wawili wa kike,” anaeleza Richard Muro.

“Tunahitaji wawili, kwahiyo tunataka wajitokeze kwa wingi kisha tutafanya mchujo kutokana na ubora wao,” anafafanua zaidi Muro.


Aidha, Muro ameleeza kuwa lengo la Apao si kuunda bendi bali ni kutengeneza lebo ya waiambaji chipukizi wa dansi ili kutengeneza kazi ya mfano ya kuonyesha ni wapi muziki wa dansi unapaswa kuelekea.

Studio za Apao ziko Mwananyamala Koma Koma jirani na ukumbi wa Kaba Kabana. Kwa maelezo zaidi piga simu No. 0714 777 727.
USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac