KLABU ya Bayern Munich imemweka katika orodha ya usajili ujao Antoine Griezmann.

Lengo la kufanya hivyo ni mkakati wa vigogo hao wa Bundesliga wanaotaka kuwa na kikosi kipana cha kupambana kwa ajili ya kusaka mataji zaidi.

Katika kuhakikisha hilo linafanikiwa, Bayern wameanzisha ushawishi kwa uongozi wa klabu yake ya sasa ya Atletico Madrid ili wakubali kuweka mezani kitita cha usajili ujao wa majira ya baridi mwezi Januari na ule wa kiangazi.

Griezmann mwenye umri wa miaka 25, alikuwa katika kiwango bora katika michuano ya Ligi ya Mabingwa Ulaya na huku akionyesha kiwango kizuri ndani ya Atletico Madrid.

“Tunapambana kuona Griezmann anatua Bayern, ni mchezaji wa aina yake ambaye atakuwa na msaada ndani ya kikosi,” imekiri klabu ya Bayern Munich katika tovuti yao.


Hata hivyo, Bayern wataingia katika upinzani wa baadhi ya timu zinazomwania nyota huyo, kwani Chelsea na Barcelona nazo zinapiga hesabu kali za kupata saini yake.
USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac