CHAMA cha soka cha Uingereza (FA), kimemtangaza kocha wa Swansea, Paul Clement kama kocha bora wa Ligi Kuu mwezi Januari.

Ushindi wa timu yake dhidi ya Crystal Palace na Liverpool iliyokufa katika uwanja wake wa Anfield, ni baadhi ya sababu zilizomfanya kocha huyo awapiku makocha wengine wote.
Yeye mwenyewe amesema kwamba ameshangazwa na tuzo hiyo, lakini kwake ni sifa na ufahari mkubwa na kwa kikosi chake.

“Nimeshangazwa na ushindi huu na hapa ndipo unaona kwamba FA wamekuwa wakiangalia vigezo sahihi. Kwangu mimi ni fahari kubwa na kwa timu yangu,” amesema Clement.

Amesema kwamba kama mtu angekuwa anaangalia rekodi, pengine labda kocha bora angekuwa Jose Mourinho wa Manchester United kwa kushinda mechi nyingi, lakini mwingine angesema kwamba labda Antonio Conte ambaye timu yake ya Chelsea inaongoza angestahili.

“Najua kwamba wachezaji wangu wanafanya kazi vyema na huu ni ushindi mkubwa kwetu. Tumekuwa waadilifu katika mechi za nyumbani na ugenini na tunacheza kwa nidhamu ya hali ya juu. Kila anayeitazama timu yetu anaona uhalisia huo,” amesema.


Kocha huyo amesema kwamba hatabweteka na ushindi huo na anataka kuona kwamba Swansea pia inakuwa timu bora katika Ligi Kuu England.
USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac