Habari

PEP GUARDIOLA APANIA MABAO ZAIDI MAN CITY LIGI YA MABINGWA ULAYA

on

KOCHA wa
Manchester City, Pep Guardiola amesema kuwa timu yake inaweza kuondolewa katika
michuano ya Ligi ya Mabingwa Ulaya iwapo hawatafunga katika mechi ya marudiano
hatua ya 16 bora dhidi ya Monaco.
Katika mchezo
wao wa kwanza, Man City walitoka nyuma mara mbili na hatimae wakafanikiwa
kuwalaza viongozi hao wa Ligi ya Ufaransa mabao 5-3, mechi ya kusisimua
iliyochezwa uwanja wa Etihad.
Mechi ya
marudiano itachezwa Machi 15.
“Tutasafiri
Monaco na kufunga mabao mengi kadri iwezekanavyo,” Guardiola alisema baadae.
“Hilo ndilo
lengo langu. Ni vigumu kusonga tusipofunga bao.”
Monaco waliongoza
2-1 na 3-2 kabla ya City hawajajikwamua na kupata ushindi.
Mechi hiyo
inaongoza kwa kufungwa mabao mengi miongoni mwa mechi za mkondo wa kwanza hatua
ya muondoano katika miaka 25 ya Ligi ya Klabu Bingwa Ulaya.
Guardiola anatarajia
mechi iwe wazi sana klabu hizo zitakapokutana tena.

Anahisi hiyo
ndio njia bora zaidi ya kukabiliana na mashambulio makali ya Monaco ambao
wamefunga mabao 76 katika mechi 26 za Ligi.

Comments

comments

About Saluti 5

Recommended for you

Leave a Reply

Your email address will not be published. Required fields are marked *