Habari

VIRGIL VAN DIJK AIWEKA ROHO JUU KLABU YAKE YA SOUTHAMPTON

on

WASIWASI
umeendelea kutanda ndani ya klabu ya Southampton juu ya mlinzi wao kisiki,
Virgil van Dijk ambaye taarifa zinasema anatakiwa na timu mbalimbali barani
Ulaya.
Shaka iliyopo
ni kwamba Van Dijk anaitumikia katika hatua ya mwisho klabu yake hiyo huku
taarifa kuu zikisema anawaniwa na Chelsea, Manchester City na Barcelona.
Magazeti nchini
England yamebainisha kuwa beki huyo ana mawasiliano na klabu ya Barcelona na
kwamba mpango huo unaweza kukamilika katika kipindi cha usajili cha majira ya
joto.
Van Dijk
aliumia kifundo cha mguu wa kushoto wakati Southampton ikikipiga na Leicester
City mnamo Januari 22, mwaka huu na tangu hapo hakuonekana tena dimbani.
Lakini taarifa
zilizopo sasa zinasema kuwa Van Dijk atakuwemo katika kikosi cha kwanza cha
Southampton inayotarajiwa kuumana na Manchester United katika mchezo wa fainali
kuwania ubingwa wa Kombe la Ligi ya England Februari 26, mwaka huu.

Hata hivyo,
wabashiri wa masuala ya soka wanaamini kuwa huenda mchezo huo ukawa wa mwisho
kwa mlinzi huyo kwani tayari kuna klabu mbalimbali zinamwania kwa ajili ya
usajili wa majira ya kiangazi.

Comments

comments

About Saluti 5

Recommended for you

Leave a Reply

Your email address will not be published. Required fields are marked *