YAH TMK Modern Taarab wanatarajiwa kuitumia shoo ya Valentine watakayotumbuiza pamoja na African Stars ‘Twanga Pepeta’ ndani ya Equator Grill, Mtoni kwa Azizi Ally, Dar es Salaam, kutambulisha nyimbo zao mpya.


Omary Teggo ambaye ni mmoja wa mabosi ndani ya Yah TMK amesema kuwa, anaamini shoo hiyo itakuwa na msisimko wa hali ya juu kutokana na namna walivyojipanga kukonga nyoyo za mashabiki wao wa Wilaya ya Temeke.

Amesema kuwa, wanazo nyimbo kadhaa mpya ambazo hazijawahi kutua masikioni mwa mashabiki wao na kwamba kwa mara ya kwanza kabisa nyimbo hizo zitarindimishwa ndani ya Equator Grill siku hiyo ya Valentine Day watakakopiga na Twanga Pepeta. 

"Nawaomba mashabiki wetu wote wa maeneo ya Mtoni pamoja na wilaya nzima ya Temeke kujitokeza kwa wingi siku hiyo ili kufaidi uhondo huo wa nyimbo zetu mpya tuliowaandalia," amesema Teggo.

USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac