ANDREA BELOTTI WA TORINO HAJUI PA KWENDA KATI YA MAN UNITED NA CHELSEA



 MSHAMBULIAJI nyota wa klabu ya Torino, Andrea Belotti amesema kwamba ni kweli kuna klabu kubwa zinamtaka lakini hajui aende wapi.

Belotti ambaye amek,uwa mpachika mabao mahiri katika klabu hiyo, amesema kwamba anajua anatakiwa na klabu mbalimbali lakini sio wakati wake sasa kutangaza kwamba anakwenda wapi.

“Wakati mwingine natakiwa kuulizwa kwamba nitabaki hapa kwa miaka mingapi kwa maana ya kuongeza mkataba, sio kuniuliza tu kwamba nitakwenda wapi,” amesema.

Wakati nyota huyo anafunga magoli matatu "hat-trick" katika ushindi wa 3-1 ambao Torino waliupata Jumapili iliyopita dhidi ya Palermo katika Ligi Kuu ya Italia serie A, baadhi ya waandishi walitaka kujua kwamba baada ya hapo anakwenda wapi. 
 
Chelsea chini ya kocho Antonio Conte, Manchester United, Arsenal, FC Bayern Munich na Borussian Dortmund ni baadhi ya timu kubwa za Ulaya ambazo zinapendezwa na mshambuliaji huyo kijana aliyefunga magoli 21 msimu huu katika serie A.

No comments