MCHEZO wa Ligi Kuu Vodacom Tanzania Bara kati ya wenyeji Mbao FC na Smba FC ya Dar es Salaam uliokuwa ufanyike Aprili 8, mwaka huu Uwanja wa CCM Kirumba, Mwanza umesogezwa mbele kwa siku mbili hadi Aprili, 10.

Taarifa ya Mkurugenzi wa Bodi ya ligi, Boniphace Wambura (pichani)imesema kwamba hatua hiyo imechukuliwa ili kupisha shughuli za kijamii kwenye uwanja huo zitakazoanza Aprili 1 hadi 9.

Simba SC inatarajiwa kuondoka Dar es salaam katikati ya wiki kwenda mikoa ya kanda ya Ziwa kwa mechi zake za Ligi kuu, Ikianzia Bukoba itakapomenyana na Kagera Sugar Aprili 2, na baadaye mbao FC Aprili 10 na kumalizia na Toto Africans Aprili 15.

Ikumbukwe Simba SC ndiyo inaongoza Ligi Kuu ya Vodacom Tanzania Bara kwa pointi zake 55 ikifuatiwa na mabingwa watetezi,Yanga SC wenye pointi 53 baada ya timu zote kucheza mechi 24.


Wakati Simba SC wakienda kucheza mechi za mwisho za ugenini mikoani, mahasimu wao Yanga watakuwa na michezo mfululizo ya nyumbani kuanzia Aprili1 na Azam FC,Uwanja wa Taifa, Dar es salaam.
USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac