Habari

MASTAA WAKESHA KWENYE MITANDAO USHINDI WA BARCELONA DHIDI YA PSG

on

ACHANA na
ushindi mkubwa wa ajabu wa mabao 6-1 ambao FC Barcelona umeupata dhidi ya PSG
ya Ufaransa.
Ndani ya
ushindi huo kuna mambo kadhaa yasiyo ya kawaida yamefanyika na sasa yamekuwa
gumzo mitandaoni.
Baada ya
goli la sita la Sergio Roberto dhidi ya PSG, mitandao ilikuwa bize, hasa
Twitter.
Dakika saba
baada ya goli hilo, kila timu ilikuwa ikitweet kuhusu goli hilo, Sergio Robert
aliufanya mtandao kuwa bize sana na kila mtu alisema lake kuhusiana na bao
hilo.
Inadaiwa
kuwa baadae mtandao huo ulikuwa kama umezidiwa kutokana na jinsi watu
walivyokuwa wakitupia meseji akiwemo nyota wa zamani wa kikosi hicho, Thierry
Henry.
Mshambuliaji
huyo wa kiwango cha juu kuwahi kutokea, aliandika neno moja tu “waaoh!” kiasi
cha kuonyesha kwamba furaha yake ilimkausha maneno.
Nae kiungo
wa Everton, Ross Barkley aliyekuwa akiangalia mchezo huo kupitia televicheni,
nae akakiri kuwa ameshuhudia tukio hilo kupitia ukurasa wake wa Twitter. 
  
Barkley
aliandika: “Nilichokishuhudia ni moto.” Hapa kwa kauli yake mubashara alikiri
kwamba mziki wa Barcelona ulikuwa moto.
Nae beki wa
zamani wa Manchester United, Rio Ferdnando alikiri hiyo ni miujiza mikali
kuwahi kuona katika maisha yake ya soka.
“Sijawahi
kuona timu ikibadilisha matendo kama leo,” aliandika Ferdinando katika ukurasa
wake wa Twitter.
Nae Joey Barton,
kiungo mkorofi pia hakuwa nyuma kwani kupitia ukurasa wake aliandika: “Sijawahi
kuona kitu kama hiki.”
Rory Smith
ni mmoja kati ya wachezaji maarufu nchini Canada, yeye aliandika tu “Mungu
wangu” akionekana kushangazwa na kilichotokea.
Nyota
mwingine wa michezo, Tim Peach ambaye ni mwigizaji maarufu nchini Uingereza na
Ujerumani, yeye alienda mbali zaidi kwa kuutumia mchezo huo kuwatania Arsenal.

Peach
ameandika: “Leo ndio nimejua kuwa kwanini Wenger anafaa kuwa kocha wa PSG.”
Hiyo inatokana na Wenger nae kupata kipigo kikubwa kutoka kwa Bayern Munich.

Comments

comments

About Saluti 5

Recommended for you

Leave a Reply

Your email address will not be published. Required fields are marked *