WAZIRI wa Habari Sanaa, Utamaduni na Michezo, Nape Nnauye amewashangaa viongozi wa Shirikisho la soka Tanzania (TFF), kwa kukaa kimya kuhusu programu ya michezo ya Olimpiki mwaka 2020.

Nape aliyasema hayo wakati wa wadau wa michezo nchini uliofanyika wiki iliyopita, kuzungumzia pamoja na mambo mengine, mikakati ya kimichezo kwa mwaka 2017.

Alisema, inashangaza kuona TFF bado ipo kimya licha ya kufahamu kuwa inapaswa kufanya maandalizi ya timu mbili za soka ya vijana chini ya miaka 23 na ile ya wanawake.

“Nawashangaa sana TFF kwa kuendelea kuwa kimya hadi sasa kuhusu program yao ya michuano ya Olimpiki 2020, nia yetu kwa sasa ni kushiriki na kurudi na ubingwa, hatutaki kwenda kutalii,” alisema Nape.

Alisema kuwa ikiwa chama au shirikisho litawasilisha program mapema, serikali nayo itapata muda wa kujipanga katika kuwasaidia kuhakikisha yanafanyika maandalizi ya kutosha.
USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac