Habari

ADHABU YA KUFUNGIWA KWA MANARA NA TFF KWAZUA HOFU KWA WASEMAJI WA TIMU NYINGINE

on

OFISA Habari
wa timu ya Ruvu Shooting ya mkoani Pwani, Masau Bwire amesema Shirikisho la
soka Tanzania halitakiwi kukimbilia kuwaadhibu wadau wake, badala yake wangekuwa
wanatoa onyo kwanza.
Baada ya
Shirikisho la Soka Tanzania (TFF), kupitia Kamati yake ya Maadili kumfungia
msemaji wa Simba, Haji Manara, msemaji wa Ruvu Shooting ameibuka na kusema kuwa
ameingiwa na hofu kutokana na tukio hilo, lakini akaonya kwamba akionewa au timu
yake ikidhulumiwa, hatanyamaza, atasema tu.
Kamati ya
maadili ya TFF, imemfungia Manara kutojihusisha na masuala ya soka kwa kipindi
cha miezi 12 na faini ya sh. mil 9, baada ya kukutwa na makosa matatu ya
kinidhamu dhidi ya Shirikisho hilo ikiwa ni kitendo chake cha kuituhumu
kutokana na utendaji wake.
Aidha,
ukiachana na Manara ambaye amefungiwa wikiendi iliyopita, pia TFF kupitia
Kamati yake hiyohiyo ya Maadili, ilimfungia msemaji wa yanga, Jerry Muro
kutojihusisha na masuala ya soka kwa mwaka mmoja Julai, mwaka jana.
Masau
amesema kuwa amesikitishwa na hatua 
iliyochukuliwa ya Manara kufungiwa mwaka
mmoja na kudai kuwa kitendo hicho kinatia hofu kwa wachezaji wengine.
“Nimesikitishwa
na hukumu ya Haji kama binaadamu mwenye roho ya huruma, mkiwa mnafanya kazi
pamoja kasha mwenzio akaondolewa haileti picha nzuri, nilihitajhi kupata
chalenji kutoka kwake kwani ukiwa na mwenzao wa upande wa pili mkiwa
mnajibizana ndipo unapopata akili na kujifunza kunakosababisha kupata ubunifu
zaidi.”

“TFF
wanatakiwa waangalie sio tu kosa kidogo wanakimbilia kutoa adhabu kubwa na
kumfungia mtu, wanatakiwa wawape onyo kwanza, hivyo hali hii inaogopesha watu
wengine kuzungumza,” alisema Bwire.

Comments

comments

About Saluti 5

Recommended for you

Leave a Reply

Your email address will not be published. Required fields are marked *