Habari

HAJI MANARA ASEMA SIMBA IMEISHIKA PABAYA TFF

on

SIMBA
ilikuwa ifanye kikao cha waandishi wa habari juzi Jumanne lakini ikahairisha
kufanya hivyo kwa kile kinachotajwa kama sababu maalum.
Hata hivyo,
Mkuu wa idara ya habari na Mawasiliano wa klabu hiyo, Haji Manara amekaririwa
akisema kwamba yeye ndie ambaye amehairisha kikao hicho. 
Manara amesema
kwamba anasubiri Shirikisho la Soka Tanzania (TFF), limwandikie barua ya
kumfungia kama walivyotangaza lakini pia waandike barua ya kuthibitisha kuwa
wameirejeshea Kagera Sugar pointi zao tatu.
“Nimekuja
kutoka Zanzibar nimekuta maandalizi ya press conference, lakini nimewashauri
wenzangu tuahirishe hadi TFF watupatie barua,” amekaririwa akisema Manara.
Habari zinasema
kwamba Simba wanasubiri barua hizo mbili za TFF ilki waweze kuchukua hatua
ikiwemo kukata rufaa kwenye mamlaka ya juu.
Manara anakusudia
kukata rufaa akipinga kufungiwa kujihusisha na soka kwa mwaka mzima huku
akipigwa faini ya sh. mil 9 na yeye mwenyewe akisema kwamba hukumu hiyo ni ya
kikatili.
Lakini kwa
upande wake, Simba kama klabu imekusudia kupinga kupokwa pointi tatu ambazo
zimerejeshwa katika klabu ya Kagera Sugar.
TFF imekiri
katika huku yake kwamba mchezaji Mohammed Fakhi alionyeshwa kadi tatu za njano
lakini Simba ilikata rufaa yake nje ya muda na ikawa haijalipa ada ya rufaa.

“Simba ni
kama wameiweka TFF mahali pabaya, wanachosubiri wao ni barua tu waanze kuchukua
hatua na huenda hatua hizo zikaivua nguo TFF na ndio maana unaona barua hizo
zinacheleweshwa,” kimesema chanzo hicho.

Comments

comments

About Saluti 5

Recommended for you

Leave a Reply

Your email address will not be published. Required fields are marked *