Habari

KHADIJA YUSSUF AAHIDI ‘KUWAFUNGIA MBWA BANDANI’ JUMAPILI HII TRAVERTINE

on

Mwimbaji nyota wa taarab Khadija Yussuf “Chiriku” ameahidi kuwafungia
mbwa bandani katika mpambano wa Nani Zaidi utakaofanyika Jumapili hii ndani ya
Travertine Hotel Magomeni jijini Dar es Salaam.
Jumapili hii ya April 30 kutakuwa na mchuano mkali wa waimbaji nyota
watano wa muziki wa taarab Fatma Mchauruko wa Yah TMK, Khadija Yussuf wa Wakali
Wao, Hanifa Maulid “Jike la Chui” akiwa na Funga Kazi, Mwamvita Shaibu kutoka Ogopa
Kopa na Mwasiti Kitoronto wa Jahazi ambao wataumana kutafuta nani mkali zaidi
ya mwenzie.
Kama ilivyoelezwa hapo awali waimbaji hao watapigiwa ‘live’ na bendi
zao – Yah TMK, Wakali Wao, Funga Kazi, Ogopa Kopa na Jahazi Modern Taarab.
Khadija Yussuf ametamba kuwa waimbaji wote hao hawajui historia yake
wala hawajui lini ameanza kuimba na hivyo atawafundisha kazi na atawafanya kama
vile anavyofungia mbwa bandani.
“Mje muone namna navyofungia mbwa na mwenye mbwa bandani, hawa wote
hawajui nimeanza lini kuimba. Nitawafundisha kazi siku hiyo,” anatamba Khadija
Yussuf.

Onyesho hilo litasindikizwa na Khadija Kopa na Kivurunde huku ma MC
wakiwa ni Dida na Dr Kumbuka.

Comments

comments

About Saluti 5

Recommended for you

Leave a Reply

Your email address will not be published. Required fields are marked *