WADAU wa soka hapa nchini wanalalamika sana kwamba Shirikisho la soka hapa nchini (TFF) linaharibu mpira wa miguu kwa kuipendelea sana Yanga katika baadhi ya mambo.

Lakini pia klabu ya Simba imelalamika kwamba TFF wamekuwa wakiibeba sana Yanga kiasi sasa wamechoshwa na mbeleko hiyo ya TFF kwa Yanga.

Jumatatu hii Mkuu wa idara ya Habari na Mawasiliano ya klabu ya Simba SC, Haji Manara amesema hawatishwi na wapinzani wao waliosema wanamwaga mboga kuhusiana na kupewa pointi 3 dhidi ya Kagera Sugar na sasa kama vipi wao watabutua sahani na bakuli wakose wote.

Kauli hiyo ya Manara imekuja kufuatia kuwepo sintomfahamu juu ya pointi 3 walizopewa Simba na Kamati ya saa 72 akisema anashangazwa na watani wao wa jadi kushikia bango suala hilo ilihali likiwa haliwahusu.

Manara amesema huyo wakati akiongea na waandishi wa habari makao makuu ya klabu ya Simba kuhusiana na hali inayoendelea kuhusiana na Kamati ya sheria na hadhi za wachezaji TFF na Simba juu ya maamuzi ya Kamati ya saa 72.

“Juzi kiongozi mmoja wa Yanga ameongea na vyombo vya habari na kuitishia TFF kuwa wameenda TAKUKURU na kuomba wafanye uchunguzi juu ya maamuzi ya Kamati ya saa 72, baadae TFF wanaitisha kikao cha Kamati ya sheria na hadhi za wachezaji kupitia maamuzi yaliyotolewa na saa 72,”amesema Manara.

"Mkwara huo wa Yanga umewatisha sana TFF sasa na sie Simba tunasema kama wao wamemwaga mboga na sie tunabutua sahani na bakuli tukose wote sababu TFF inaonekana kuipendelea Yanga kwa kila jambo."

“Nani asiyejua Kamati hiyo ya sheria na wachezasji mpaka leo haijatoa maamuzi juu ya suala la Tambwe dhidi ya Juuko mwaka wa pili unamalizika Banda kampiga ngumi Kavilla ndani ya wiki moja uamuzi umeshatolewa, hii Kamati tunashindwa kuielewa?” amesema Manara.

"Kagera kukata rufaa dhidi ya Simba ndani ya wiki wameshakaa kikao kupitia taarifa nasema hivi sisi watoto wa mjini hawatuwezi kukubali TFF inawabeba upande mmoja tu."


"Tunawapa mpaka kufikia Jumatatu tarehe 24 machi TFF wawe wametoa maamuzi juu ya kesi mbalimbali zilizopo kwenye Kamati ya sheria na hadhi ya wachezaji vinginevyo hatukubali tutabutua sahani tukose wote."
USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac