Habari

MTUNZI WA MASHAIRI YA MIPASHO BONGO AKIRI KUSHUKA KWA MUZIKI WA TAARAB

on

MTUNZI nguli
wa mashairi ya taarab, Al-hatib Job amekiri kuwa muziki huo umepoteza msisimko
kwa kiasi kikubwa huku akisema kuwa hali hiyo imechangiwa zaidi na kuhamahama
kwa wasanii lililotokea kwa “vurugu” kipindi cha kati.  
Akiongea na
saluti5, Al-hatib alisema kuwa, ni kawaida kwa mtindo yote ya muziki kupanda na
kushuka kulingana na upepo, lakini kwa upande wa taarab hilo limetokana na
wasanii kuhama na hivyo kuwayumbisha na kuwapoteza mashabiki wao.
“Lakini
kwangu naona huu ni wakati mgumu wa mpito tu ambao watu wa taarab wanaupitia na
nadhani hali itakuwa shwari muda si mrefu, hasa kwa wasanii wenyewe kutulia na
kuachia kazi nzuri,” amesema mtunzi huyo.

Amesema kuwa,
mashabiki mara nyingi ni rahisi mno kudanganyika na kusahau yaliyotokea nyuma,
hivyo anaamini iwapo wasanii watatuliza vichwa vyao na kufanya kazi kikamilifu,
kuna uwezekano mkubwa wa kuipandisha upya taarab na kuirudisha kwenye ubora
wake.

Comments

comments

About Saluti 5

Recommended for you

Leave a Reply

Your email address will not be published. Required fields are marked *