Habari

NEW AUDIO: MWENGE JAZZ “PASELEPA” YAJA KIVINGINE …sikiliza wimbo wao mpya kabisa “Heshima Yangu”

on

Moja ya bendi bora iliyowahi kutokea hapa nchini, Mwenge Jazz wana
Paselepa au ukipenda iite Mwenge ya Mashujaa, imekuja kivingine baada ya ukimya
wa muda mrefu.
Mwenge Jazz inashuka na wimbo mpya kabisa “Heshima Yangu” mtunzi akiwa
ni binti mpya katika muziki wa dansi Leah Lyeme (pichani) ambaye ndiye
ameimbisha wimbo huu kwa sehemu kubwa.
Ni wimbo mzuri ulioko kwenye miondoko ya kisasa, kazi ikiwa
imezalishwa katika studio za Sound Crafters zilizoko Temeke, jijini Dar es
Salaam.
Ndani ya wimbo huu wa dakika 5 na sekunde 29, utasikia namna wapiga
ala wanavyopishana kifundi na ambapo solo limekung’utwa na Salum Dialo ambaye
ndiye kiongozi wa bendi, bass ni mkono wake Profesa Kandaya, kinanda ni Japhet
Makinda na  gitaa la kati
limedonyolewa na Peter Mafwalo.

Drum zimepigwa na Abdallah Ally Bravo, tumba zimegongwa na Hamis Juma
wakati saxaphone utakayoisikia imepulizwa na kijana mdogo kabisa Ezekiel
Lumbagala.
Waimbaji walioshiriki wimbo huu mbali na Leah ni Shukuru Majaaliwa, Hussein Mtamile, Abdurahman Sangali, Athuman Hussein na Shazilu Omar.


Isikilize hapo juu ngoma hiyo mpya ya Mwenge Jazz “Heshima Yangu”.

Comments

comments

About Saluti 5

Recommended for you

Leave a Reply

Your email address will not be published. Required fields are marked *