Habari

VIJEMBE VYA KHADIJA YUSSUF, FATMA MCHARUKO VYATAWALA PAMBANO LA “NANI ZAIDI”

on

WAKATI
pambano linalowakutanisha mastaa watano wa taarab TZ linatazamiwa kufanyika
kesho Jumapili, lakini upinzani mkubwa zaidi unaonekana kuwa kati ya Fatma
Mahmoud “Mcharuko” na Khadija Yussuf “Sauti ya Chiriku”.
Wasanii wengine
watatu waliomo kwenye pambano hilo lililopewa jina la “Nani Zaidi”, ni Mwasiti
Kitoronto, Hanifa Maulid na Mwamvita Shaibu.
Kupitia sauti
za msanii mmoja mmoja kwenye matangazo yao, Fatma na Khadija wameonekana
kutupiana vijembe vya chini kwa chini ambavyo kwa mashabiki na wadau wengi
vimejenga picha ya kuwa “wanatafutana”.
Mara kadhaa,
Mcharuko amekuwa akijinadi kwamba atatinga kwenye pambano hilo kifua mbele bila
kuwahofia waliopania “kufungia mbwa bandani”, akimaanisha Khadija Yussuf na
Wakaliwao Modern Taradance ambao hiyo ndio kaulimbiu yao kubwa.
Nae Khadija
amekaririwa mara kwa mara akirudisha majibu kwa kusema ya kuwa yeye ndie
nyakanga wa wasanii wote wanaoshiriki pambano hilo na kwamba “anawajua” fika
lakini “wao” hawajui alipoanzia.
Inawezekana kuwa
kweli wasanii wengine wote kwqenye pambano hilo hawajui alipoanzia Khadija,
lakini kwa upande wake Khadija anayeweza kumjua “fika” kimuziki ni Mcharuko
pekee aliyewahi kuwa nae bendi moja ya Jahazi Modern Taarab.
Hali hiyo ya
vijembe vya chini kwa chini imefanya mashabiki wengi kuhisi kuwa wawili hao
wanakamiana, huku wengine wakifika mbali zaidi kwa kubashiri kuwa kazi
itakuwepo pale kila mmoja atakapotaka kumuonyesha mwenzake jukwaani.

Comments

comments

About Saluti 5

Recommended for you

Leave a Reply

Your email address will not be published. Required fields are marked *