Habari

WACHEZA JUDO WAZIDI KUJIWEKA SAWA NA MASHINDANO YA DUNIA AGOSTI, MWAKA HUU

on

CHAMA cha
Judo Tanzania (JATA), kimesema kwamba wachezaji wa timu ya taifa wa mchezo huo
wa Judo wanaendelea kujiandaa kwa ajili ya mashindano ya dunia yatakayofanyika
mwezi Agosti, mwaka huu.
Akiongea na
saluti5 Katibu mkuu wa JATA, Innocent Maly alisema kuwa sanjali na maandalizi
hayo, wachezaji hao wana fursa ya kwenda kambi ya kimataifa kwa ajili ya
Olimpiki 2020 itakayofanyika nchini Hungary.
Alisema kuwa
wachezaji watatu akiwemo Mussa Sheki (kg 100), Andrew Thomas (kg 73) na Omary
Uledi (kg 66), wakiwa chini ya kocha Omary Mgole, wako kambini kwa maandalizi
hayo.
Maly alisema
kuwa kwa sasa chama kipo katika mchakato wa kutafuta fedha kwa ajili ya
maandalizi ya wachezaji hao.
“Wachezaji
hao wote wanaendelea na maandalizi tukiwa pia tunatafuta fedha na
zitakapopatikana ndio tutajua tutawapeleka wangapi kwa mujibu wa mfuko wetu,”
alisema Maly.
Katibu huyo
alisema kuwa malengo ya chama ni kuhakikisha wanatumia fursa ya kuwapeleka
wachezaji kwa ajili ya kambi ili kujipanga kwa mashindano ya kimataifa.

Ametoa wito
kwa wadau nchini kujitokeza kusapoti mchezo huo ili kupata fedha kwa ajili ya
timu ya Taifa iweze kwenda kufanya vizuri kimataifa.

Comments

comments

About Saluti 5

Recommended for you

Leave a Reply

Your email address will not be published. Required fields are marked *